На руската телевизија се појавија видеа од двајца заробени британски борци, кои според едни информации биле доброволци, а според други платеници.
Шон Пинер и Ејден Аслин биле заробени во Украина, а на руската државна телевизија побараа од премиерот Борис Џонсон да договори размена со уапсениот олигарх и политичар Виктор Медведчук. За потсетување, Медведчук беше уапсен од Украинците минатата недела.
Не е јасно колку заробените Британци можеле слободно да зборуваат.
https://www.youtube.com/watch?v=-hhpUeYc6MM
Утрово и Украина објави видео на кое Медведчук го моли Путин да го замени за борци од Мариупол.
Семејството на заробениот Пинер побарало тој да биде третиран како воен заробеник и да се почитуваат меѓународните права.
