Принцот Хари и неговата сопруга Меган Маркл ја посетија кралицата Елизабета откако отпатуваа за Велика Британија, потврди портпаролот на двојката за Би-Би-Си.
Војводата и војвотката од Сасекс вчера ја посетија кралицата во замокот Виндзор, каде што застанаа на пат кон Хаг, Холандија, на „Игри на Инвиктус“, спортски натпревар за војници со посебни потреби од целиот свет чиј покровител е принцот Хари.
Хари и Меган го виделе и принцот Чарлс, таткото на Хари, додека биле во замокот Виндзор, објави „Сан“.
Принцот Хари последен пат ја посети Велика Британија во јули минатата година, додека се верува дека неговата сопруга, американската актерка Меган Маркл, не е во Британија од 2020 година. Хари и Меган поднесоа оставка како постари членови на кралското семејство во јануари истата година.
Минатиот месец беше одржана комеморација за принцот Филип, дедото на Хари, но тој во тоа време не дојде во ОК.
Кралицата Елизабета, која има 95 години и беше заразена со корона вирусот на почетокот од оваа година, нема да присуствува на овогодинешната велигденска утринска црковна служба, бидејќи се повлече од Големата богослужба во четвртокот – за прв пат од 1970 година.
