Германскиот првак Баерн Минхен реагира експресно по најавите дека полскиот интернационалец Роберт Левандовски ќе си замине од „Алијанц арена“ по завршување на сезоната. Раководството на клубот веднаш се активираше да бара негова замена, а прв „пик“ е офанзивецот на Лајпциг, Кристофер Нкунку.
23-годишниот Французин игра одлично оваа сезона и на 42 меча постигна 28 гола и запиша 18 асистенции. За него се интересираат и Пари Сен Жермен и Манчестер Јунајтед, а Лајпциг ќе бара отштета од 60 милиони евра.
Полските медиуми вчера објавија ексклузивна информација дека Левандовски ги известил челниците на Баерн Минхен дека на лето ќе го напушти клубот, една година пред истекот на неговиот договор, и дека во преговори за трансфер во Барселона.
> Баерн Минхен сака да го купи Нкунку како замена за Левандовски <
