Борбите во источна Украина ќе се интензивираат во следните две до три недели, а Русија продолжува да ги пренасочува своите војници во таа област, објави денеска британското Министерство за одбрана во редовниот дневен извештај.
Руските напади остануваат фокусирани на украинските позиции во близина на Доњецк и Луганск, со понатамошни борби околу Херсон и Николаев и обновен напад на Краматорск, објави британската воена разузнавачка служба на Твитер, пренесува Ројтерс.
Според британскиот извештај, руските сили продолжуваат да се повлекуваат од Белорусија, со цел да се прегрупираат во поддршка на операциите во источна Украина, а Ројтерс наведува дека не може самостојно да ја потврди оваа информација.
