Холивудската легенда Ал Пачино (81) беше фотографиран како излегува од познатиот ресторан „Феликс“ на Венис Бич, Калифорнија, заедно со поранешната девојка на Мик Џегер, Нур Алфала (28).
Тие беа забележани во саботата вечерта.
По италијанскиот оброк, ѕвездата на Scarface („Лице со лузна“) и 28-годишната телевизиска продуцентка, која претходно ја поврзуваа со Клинт Иствуд и Мик Џегер, заедно заминаа во ист автомобил.
За очигледната ноќна средба, Пачино на себе има црна облека, а Алфала се реши за кожена јакна, топ од тантела, тесни хеланки и чизми.
Ова е првпат оскаровецот – кој се раздели од поранешната девојка Меитал Дохан во 2020 година поради големата разлика во годините (таа беше 40 години помлада од него) – да излезе во јавност со Алфала.
Меѓу многуте филмови во својата долга кариера, Ал Пачино ги потретира и Мајкл Корлеоне во легендарниот „Кум“ и гангстерот Тони Монтана во „Лице со лузна“, една од најдобрите негови изведби.
