Најмалку две лица, меѓу кои и едно дете, загинаа денеска, а пет се повредени во експлозија на гас во станбена зграда во Ступино во близина на Москва, соопшти руското Министерство за вонредни ситуации.
Од зградата се евакуирани 60 станари.
In #Moscow, #Russia, explodes a gas pipe in an apartment building as a result two people died, five were injured. pic.twitter.com/USsmEiyvKt
— JM .Donis???? (@JMDon21696071) April 11, 2022
– Во експлозијата беа погодени седум лица, од кои двајца загинаа – се вели во соопштението на Министерството.
Извор од министерството за ТАСС изјави дека починало дванаесетгодишно момче, а едно дете е повредено.
Според првичните информации, никој не останал под урнатините.
Експлозијата на четвртиот кат од зградата била предизвикана од истекување на плин поради неисправност на опремата.
Експлозијата предизвика пожар, а надворешните ѕидови се урнаа на првите два ката.
