Македонскиот репрезентативец Аријан Адеми го „реши“ големото хрватско дерби меѓу Риека и Динамо Загреб, комплетирајќи го камбекот на „модрите“ за 1:2 победа со гол во 86. минута од мечот.
Младиот Словенец Адам Гнезда Церин им донесе водство на домаќините по 22 минути игра, пред во луд финиш „модрите“ да направат целосен пресврт. Махир Емрели во 79. минута израмни на 1:1, пред капитенот на Динамо, Адеми да го постигне победничкиот гол во 86. минута од мечот.
Со победата, Динамо се врати на првото место во ХНЛ со 63 поени, два пред Осиек и тоа со меч помалку, додека Риека е четврта со 55 поени.
> Адеми за пресврт-победа на Динамо кај Риека <
