Од партијата на власт реагираат дека за прв пат оваа година не е јавно објавено, каде завршија парите од Град Скопје за годинешната програма за финансирање проекти од културата, вредна околу 220.000 евра.
Станува збор за, како што велат, една крајно нетранспарентна постапка.
„Во прилог на ова соопштение е Јавниот повик, во членот VII јасно стои дека Град Скопје, односно Арсовска имаат обврска да ги објават резултатите. Во меѓувреме се случува различни здруженија да реагираат дека само штуро известени дека не добиле средства, без соодветно решение, без можности да реагираат. Додека крати пари на еколошки проекти, додека прекинува проекти важни на скопјани, Данела не објавува каде завршиле парите на граѓаните. Што крие Данела Арсовска од граѓаните на Скопје и зошто?“, прашуваат од СДСМ.
„Дали доделува средства на сомнителни здруженија блиски до нејзината ВМРО-ДПМНЕ? Ја повикуваме Арсовска веднаш да ги објави јавно сите информации кои пред скопјани има должност и обврска да ги објави. Каде завршија 220.000 евра пари на скопјани, од касата на Град Скопје мора да се знае“, се посочува во писмената реакција од СДСМ.
Текстот СДСМ: Зошто не е објавен резултатот од програмата за култура во Скопје вредна 220.000 евра, што крие Арсовска? е превземен од МАКФАКС.
