Руските сили ги уништија сите болници и други здравствени установи во областа Луганск во источна Украина, објави денеска шефот на локалната власт во Луганск на „Фејсбук“.
„Од почетокот на војната меѓу Украина и Русија секоја медицинска установа во нашиот регион е нападната од руски гранати“, објави Сергеј Гајдаи на „Фејсбук“.
Тој објави и неколку фотографии од оштетената болница во Рубижња за која напиша дека е „нова“ и „полна со напредна опрема“.
Гајдаи го обвини главниот лекар на болницата за предавство откога тој се согласи со тврдењето на Русија дека украинските сили стојат зад уништувањето на болницата.
