Поранешни членови на Американската комисија за хартии од вредност (SEC) и професори велат дека извршниот директор на „Тесла“ го пропуштил рокот за објавување на информацијата дека купил 9 отсто од акциите на социјалната мрежа „Твитер“ и дека доставил погрешна документација.
На 4 април, Маск откри дека купил 9,2 отсто од акциите на „Твитер“, што го прави најголемиот акционер во мрежата за микро-блогирање, што предизвика скок на акциите на компанијата за повеќе од 27 отсто. Во поднесок објавен на Њујоршката берза, тој навел дека купувањето е извршено на 14 март 2022 година, пренесува „Ројтерс“.
