Во пресрет на Денот на НАТО, зградата на Министерството за надворешни работи заедно со други владини институциите е осветлена во боите на Алијансата, со цел одбележување на 73 годишнината од формирањето, објави на социјалните мрежи министерот, Бујар Османи.
„Заедно со останатите 29 сојузници стоиме обединети и одлучни во определбата за зачувување на европската и трансатлантска безбедност, особено во контекст на актуелните безбедносни предизвици. Како кредибилен НАТО сојузник остануваме посветени во креирањето значајни одлуки и заложбите за одбрана на мирот, безбедноста, слободата и демократскиот просперитет“, напиша Османи.
