Во последните 24 часа во Словенија се потврдени 4.935 инфекции со коронавирус, што е за 17 отсто повеќе од пред 7 дена и најмногу од 14 февруари, кога беа регистрирани 7.172, објави словенечката влада.
Седумдневниот просек на потврдени случаи продолжува да расте, моментално на 2.809, што е за 3,7 отсто повеќе од претходниот ден.
Инциденцата од 14 дена на 100.000 жители е исто така во пораст, моментално на 1.571, што е за 5,2 отсто повеќе од понеделникот.
Според Националниот институт за јавно здравје (NIJZ), моментално има 35.092 активни случаи на инфекција, 7.495 повеќе од пред 7 дена.
„ Освен очекуваниот пораст на инфекциите поради олеснување на мерките, причини за ваквиот тренд се ниските температури поради кои луѓето остануваат во затворени простории и поголемата заразност на се поприсутната подваријанта омикрон БА2, изјави за медиумите инфектологот Бојана Беовиќ.
Таа препорачува да продолжат да се применуваат сите пропишани антиепидемиски процедури и вакцинации, особено за ранливите групи, а маските да се носат во затворени простории.
