Со сите неволји, сега дојде војната во Украина, а мрачното расположение се повеќе ја зафаќа Германија. Психозата првпат се гледа на полиците на супермаркетите: многумина создаваат залихи на масло и брашно бидејќи Украина беше еден од главните извори на оваа храна, а од Здружението на производители на прехранбено масло велат дека може да се смета на ограничување на понудата на семки од сончоглед, лен и соја, пишува Дојче Веле.
Брашното тешко се складира, па за секој случај тестенините повторно се купуваат исто како пред пандемијата. Овој пат, барем, тоалетната хартија не е толку популарна, анализира медиумот.
При испитувањето на јавното мислење во анкета на една агенција се покажало дека 69 отсто од анкетираните Германци сметаат дека НАТО, како и Германија, ќе бидат вовлечени во војната. 64% од нив очекуваат влошување на економската состојба, но огромното мнозинство се свесни дека ништо не можат да направат за тоа и дека некои акции нема многу да помогнат, пишува ДВ.
Но, руската војна против земја недалеку од Германија – и големото прашање, дали ќе се застане тука – длабоко го вознемири населението во тоа време. Ова може да се види од бројот на повици до надлежните, пишува медиумот.
„Истражувањата станаа многу интензивни“, изјавила Кристина Зајечковски во Келн.
Луѓето се плашат дека војната може да дојде во Германија со сето она што значи: „Да умрат членовите на семејството и пријателите, да им се уништи домот, да се случат сите ужаси што ги гледаат преку медиумите“. Таа вели дека им помага на луѓето да разговараат со некого за нивните стравови или да го кажат најлошото што можат да го замислат.
Томас де Вахрои од кругот на Евангелистичката црква во областа Нојкелн во Берлин вели дека луѓето ужасно се плашат дека во еден момент ќе се премине црвената линија и НАТО ќе интервенира, па потоа ќе видат се црно.
Многумина се во таква депресија што им треба и медицинска помош, а претседателот на Здружението на лекари, Френк Улрих Монтгомери, крајно сериозно ги сфаќа нивните стравови од војна и уништување. „Важно е да ги разбереме, а не да го намалуваме она што го чувствуваат“, изјавил тој.
На социјалните мрежи се бараат информации што се е потребно за преживување, таблети јод во случај на радиоактивност или генератори електрична енергија.
Во компанија за бункери во Берлин вртат повиците на граѓаните. „Порано имаше можеби двесте повици дневно, а од почетокот на војната има повеќе од 10.000“, вели Марк Шмихен, кој е одговорен за односи со јавноста, пишуваат медиумите.
Интересот, според написите, бил толку голем што компанијата отворила уште шест телефонски линии.
