Лидерот на прорускиот сепаратистички регион Доњецк изјави дека на руската армија ќе ѝ треба „една недела или повеќе“ за да го освои Мариупол, пренесува агенцијата ИФАКС.
Падот на Мариупол ќе овозможи спојување на руските сили од југот и истокот на Украина и формирање на коридор меѓу регионите Доњецк, Луганск и Крим, кои веќе се под руска контрола.
Украина денеска ги отфрли руските повици да го предаде пристанишниот град Мариупол, каде жителите се опколени и оставени со малку храна, вода и струја во хуманитарна криза што го зголемува притисокот врз европските лидери да ги заострат санкциите кон Москва.
