Портпаролката на Белата куќа, Џен Псаки, денеска изјави дека не е планирано американскиот претседател Џозеф Бајден да отпатува во Украина следната недела, за време на неговата посета на Европа каде ќе присуствува на самитите на НАТО и ЕУ.
„Фокусот на патувањето ќе биде обединување на светот за поддршка на украинскиот народ и против инвазијата на претседателот Путин во Украина, но нема планови за патување во Украина“, напиша таа на „Твитер“, а пренесе Си-ен-ен.
We will have additional details of @potus trip to Europe to announce later today. The trip will be focused on continuing to rally the world in support of the Ukrainian people and against President Putin’s invasion of Ukraine,
but there are no plans to travel into Ukraine.— Jen Psaki (@PressSec) March 20, 2022
Американската амбасадорка во ОН, Линда Томас-Гринфилд изрази голем сомнеж за можноста Бајден да ја посети Украина следната недела кога ќе замине за Европа, велејќи дека колку што таа знае тоа не е во план.
Како што претходно беше објавено, лидерите на земјите членки на ЕУ ќе се соберат в четврток и в петок на 24 и 25 март на нивниот редовен самит. Бајден треба да им се придружи в четврток.
Ден претходно, в среда, на 23 март, се очекува американскиот претседател да учествува на вонреден самит на земјите членки на НАТО, кој исто така ќе се одржи во Брисел.
