Во текот на изминатата вечер полициски службеници од Одделот за криминалистичка полиција од ОВР Гостивар и СВР Битола во координација со Државниот пазарен инспекторат, Управата за јавни приходи и Државниот инспекторат за труд спровеле акциска контрола во пет угостителски објекти во Кичево и Охрид.
Притоа, според полицијата, во село Зајас биле приведени две лица поради непоседување документи за лична идентификација и една странска државјанка од Република Србија за утврдување на дозвола за престој.
Во четири угостителски објекти констатирани се неправилности поради неиздавање на фискални сметки, а било утврдено и непочитување на законот за забрана за пушење во затворени простории.
