Заменик-градоначалникот на Мариупол, украинскиот пристанишен град под опсада на руската армија, вели дека не знае колку луѓе загинале во руските напади, но последната бројка е 1.207.
„Ова се само тела што ги подигнавме од улиците“, изјави Серхи Орлов за Би-Би-Си.
Тој додаде дека 47 луѓе биле закопани во масовни гробници поради постојаното гранатирање, не можело да се стигне до гробиштата надвор од градот. Меѓу нив има луѓе кои не се идентификувани“, рече Орлов.
Тој додаде дека евакуацијата од градот, исто како и испораката на помош во градот, не е можна.
„Околу 100 луѓе вчера се обидоа да избегаат со приватни автомобили, но руските сили ги пречекаа на контролните пунктови, пукаа во воздух и ги принудија да се вратат“, рече тој.
