На социјалните мрежи се појави видео на кое се тврди дека мајките на руските војници му поставуваат прашања на Сергеј Цивиљев, гувернерот на руската област Кузбас во јужен Сибир.
Видеото најверојатно е снимено во тајност, а околностите под кои Цивиљев се сретнал со мајките не се познати, но она што тој мислел дека ќе биде уште едно јавно обраќање завршило со жестоко прозивање, пишуваат локалните медиуми.
„Бевме измамени. Сите сме измамени“ се слуша гласот на една жена.
Гувернерот одговорил дека никој никого не измамил и дека тоа се вежби.
Governor of Russia’s Kuzbass region assailed by furious mothers of Russian soldiers. “They’re just cannon fodder.” pic.twitter.com/hEnp9UFirK
— Guy Chazan (@GuyChazan) March 6, 2022
„Таму отидоа како топовско месо. Како тоа Белорусите не беа испратени на вежбите? Зошто нашите момци беа испратени таму. Тие не се обучени. Па погледнете ги тие момци, тие имаат 20 години. Види, сите се млади. А каде е твојот син?“ прашаа тие.
„Мојот син студира на универзитет“, одговара тој.
„Кажуваат лаги, повторуваат невистини“, велат присутните на средбата.
„Ова е специјална операција, а во овој момент никој не може да коментира за специјалната операција. Така треба да биде. Овие млади момчиња биле искористени. Користени?! Нашите деца беа искористени ?! вели луто една жена,м пренесуваат агенциите.
„Видете, можеме да викаме, да обвинуваме секого и се, но додека трае акцијата не можеме да извлекуваме заклучоци. Кога ќе заврши, а ќе заврши наскоро“, изјави гувернерот.
