Добриот сон е една од најважните работи за доброто здравје, но тоа е невозможно доколку е вклучен вашиот ТВ уред додека спиете.
Истражувањето на Националната фондација за спиење покажа дека дури 60 отсто од Американците гледаат телевизија непосредно пред да заспијат, надевајќи се дека тоа ќе им помогне полесно да потонат во сон.
Сепак, многу истражувања недвосмислено покажуваат дека кога спиеме со вклучен телевизор, всушност му даваме на телото помалку сон отколку што му е потребно, а тоа доведува до многу проблеми.
Имено, клучно кај спиењето со вклучен телевизор е тоа што го намалува производството на мелатонин – хормон кој игра важна улога во сонот. Тоа му сигнализира на телото дека е време за одмор и опоравување од напорниот ден.
