Французинката Теса Ворле стигна до својата 15. победа во Светскиот куп во алпско скијање (сите во велеслалом), триумфирајќи на трката во швајцарскиот Ленцерхајде за да остане во игра за малиот кристален глобус во дисциплината.
Ворле имаше комбинирано време од 2:02.35 откако беше трета по првото возење, за да победи со 0.29 секунди пред Италијанката Федерика Брињоне, додека трета беше лидерката во генерален пласман и најдобрата по првото возење, Швеѓанката Сара Хектор со 0.31 секунди заостанување. Американката Микаела Шифрин заврши на четвртото место.
Пред финалето на Светскиот куп, Хектор има 522 поени во велеслалом, пред Ворле со 467, додека во генерален пласман во СК, Шифрин останува лидерка со 1.156 поени, пред Словачката Петра Влхова со 1.093 и Брињоне со 931 поени.
It’s a ?????? ?????? in Lenzerheide as Tessa Worley wins the women’s giant slalom ??
Federica Brignone and Sara Hector join her on the podium, with Mikaela Shiffrin fourth fastest overall. #FISAlpine | @TessaWorley pic.twitter.com/A7sbmjZtKQ
— Eurosport (@eurosport) March 6, 2022
> Ворле победи во Ленцерхајде, се доближи до Хектор <
