Русија ги повика Европската унија и НАТО да престанат со непромисленото упатување напредно оружје кон Украина за да се избегнат ризици за меѓународната цивилна авијација, изјави денеска портпаролката на руското Министерство за надворешни работи, Марија Захаровa.
„Уште еднаш, ги повикуваме земјите од ЕУ и НАТО да престанат безмилосно да „пумпаат“ најсовремено оружје во неодржливиот режим во Киев, за да се избегнат огромни ризици за меѓународната цивилна авијација и другите транспортни комуникации не само во Европа, туку исто така и во странство“, се наведува во соопштението, пренесе ТАСС.
