Руските сили ја зазедоа нуклеарната централа „Запорожје“ во која претходно изби пожар, соопштија украинските власти.
„ Персоналот на електраната ја следи состојбата во блоковите“, изјавија локалните власти за медиумите, пренесува „Ројтерс“.
Зеленски ги обвини Русите дека сакаат да направат катастрофа како во Чернобил.
Меѓународната агенција за атомска енергија соопшти дека Украинците им рекле дека пожарот во електраната во Запорожје „не влијаел на основната опрема“ и дека персоналот на централата ги презема сите мерки за да се ублажи штетата.
Пожарот настанал во делот каде што се обучуваат вработените.
