Утрински Весник
Македонија

Ковачевски од Лондон: Македонската дијаспора е силен промотор на Северна Македонија

Ковачевски од Лондон: Македонската дијаспора е силен промотор на Северна Македонија

Премиерот Димитар Ковачевски пред почетокот на работниот дел од посетата на Лондон за учество на Инвестицискиот Самит за Западен Балкан на Европската банка за обнова и развој (ЕБОР), оствари средба со македонски граѓани и истакнати професионалци кои живеат и работат во Обединетото Кралство.

Ковачевски и амбасадорката на Северна Македонија во Обединетото Кралство Александра Миовска се заблагодарија на претставниците на македонската дијаспора за редовната и плодна поддршка која ја пружаат на нашата амбасада во Лондон, за промоцијата на Северна Македонија во оваа пријателска земја и за промоцијата на македонскиот јазик и останатите културни белези на нашата татковина.

Премиерот ги запозна нашите државјани со очекувањата од самитот на ЕБОР, како една од најзначајните европски финансиски институции која ги поддржува реформските процеси во земјата за постигнување на стандардите на Брисел во нашата европска интеграција.

На средбата во амбасадата на Северна Македонија во Лондон, Ковачевски го истакна традиционалното пријателство на Обединетото Кралство и Северна Македонија, како и силната британска поддршка која како држава ја добиваме во сферата на демократизацијата, доброто владеење, отворената Влада, транспарентноста и отчетноста.

Можете да прочитате

(Фото) Пожари го угушија Скопје – Чад и силен мирис на изгорено го прекрија градот

Сиљановска-Давкова ја прими Карол Межеван, директорка на Светска банка за државава и Косово

Голем пожар во Крива Паланка – Градоначалникот бара итна државна помош