Пет лица се повердени во сообраќајна несреќа што се случила ноќеска околу 00.55 часот на магистралниот пат Струмица – Ново Село, делница од с.Босилово-с.Турново.
Според информациите од МВР, несреќата се случила помеѓу автомобил „мазда’’ управувано од О.С.(45) од с.Старо Балдовци, струмичко и автомобил „бмв х3’’ со струмички регистарски ознаки, управувано од В.Џ.(45) од с.Градско Балдовци, струмичко.
Во несреќата со тешки телесни повреди се здобиле возачот на возилото „мазда“, А.А.(25) од с.Старо Балдовци – сопатник во возилото „мазда“ и В.Ј.(33) од с.Градско Балдовци – сопатничка во возилото „бмв“, констатирани во болницата во Струмица.
Додека со телесни повреди се здобила В.Џ., малолетен сопатник во возилото „мазда“, С.И.(42) од с.Градско Балдовци – сопатничка во возилото „бмв“ и малолетна сопатничка во возилото „бмв“ од с.Градско Балдовци, констатирани во болницата во Струмица. Увид извршила екипа од СВР Струмица.
