Канадската полиција употреби бибер спреј и шок бомби во обид да ја растера толпата во Отава, по неколкудневните протести поради владините мерки.
Откако во петокот отстрани дел од блокадата и уапси повеќе од 100 луѓе, полицијата утринава побрза да го растера главниот дел од демонстрантите пред Парламентот и Канцеларијата на канадскиот премиер и по тој повод изврши нови апсења, пренесува „Ројтерс“.
#truckers protest #Ottawa final members of truckers convoy leaving the scene of the protest as security forces cordoned off most streets around the parliament pic.twitter.com/JnEKwpVhi2
— Aleem Agha (@Aghaaleem) February 19, 2022
Полицијата насилно ги потисна демонстрантите во канадскиот главен град кој беше под опсада, преземајќи ја контролата врз камионите и расчистувајќи ги улиците пред парламентот, во срцето на протестот.
Десетици камиони се оддалечуваа под зголемен притисок, што ја зголеми надежта на властите дека ќе успеат да го запрат тринеделниот протест против мерките за ковид и владата на премиерот Џастин Трудо.
Look mom! I’m following orders! #TruckersForFreedom #trudeau #ottawa #OttawaPolice #FreedomConvoy2022 #EmergencyAct #protest #mandatefreedom https://t.co/hHbxvhbfB7
— Lari Harvassaila ??⚡⚡ (@harvassaila) February 19, 2022
„ Ви дадовме време да заминете. Бевме бавни и методични, а вие покажувавте агресија кон полицајците и коњите. Ние одговараме на вашето однесување со вклучување шлемови и палки за наша безбедност“, се вели во пораката на полицијата до демонстрантите на Твитер, пренесува АП.
En Otawa pic.twitter.com/AFXULX5xjJ
— Iñaki Sanchez (@iosanch) February 19, 2022
Еден полицаец е полесно повреден, но нема повредени демонстранти, изјави вршителот на должноста началник на полицијата Стив Бел. Полицијата продолжува да работи на преземање контрола врз улиците на Отава, рече Бел, додавајќи дека ќе работат на тоа дење и ноќе додека не се заврши се.
Меѓу уапсените се и четворица водачи на демонстрантите, еден е пуштен со кауција, додека на другите им е одредена мерка притвор, се вели во соопштението на полицијата.
