Во селото Шокак, во провинцијата Забул во Авганистан, спасувачите веќе три дена се обидуваат да го извлечат деветгодишниот Хајдар кој паднал во бунар
Момчето се заглавило на длабочина од 10 метри, додека вкупната длабочина на бунарот е 25 метри.
Според извештаите на светските медиуми, итните служби се на терен и обезбедено е се што е потребно за негово спасување. Градежните машини моментално ја копаат земјата за да стигнат до Хајдар.
#Haidar is still stuck. These rescuers are still trying to save him deep in the night. Please pray for #Haidar! #SaveHaidar #حيدري_وژغورئ pic.twitter.com/CQtPBya85R
— Sangar | سنګر پیکار (@paykhar) February 17, 2022
На социјалните мрежи кружи видео од момче кое изгледа како да може да ги движи рацете и горниот дел од телото. На момчето му доставиле храна и вода, а тој наводно успеал да јаде.
https://www.youtube.com/watch?v=KFPZqHC9_eM
„Добро ли си синко? Зборувај со мене и не плачи, работиме да те спасиме“, рекол таткото на момчето. „Во ред, ќе продолжам да зборувам“, одговорило момчето, пренесуваат медиумите.
Веста за момчето од Авганистан ги потсети сите на трагедијата во Мароко, кога петгодишниот Рајан на почетокот на месецот падна во бунар длабок 32 метри. И покрај херојските напори на спасувачите кои со денови копаа за да стигнат до него, момчето, за жал, не преживеа.
