Градот Скопје известува дека на улицата Беласица ќе се воведе изменет режим на сообраќај почнувајќи од утре во 19 часот и ќе трае до сабота до 24 часот.
„Апелираме до сите учесници во сообраќајот да ја почитуваат поставената патна сигнализација и да ја приспособат брзината на движење на условите на патот“, велат од Град Скопје.
Привремениот сообраќаен режим како што појаснуваат се воведува поради изградбата на атмосферска канализација чие приклучување е предвидено со попречен прекоп на улицата Беласица на нејзината западна страна, на аголот меѓу улицата Беласица и булеварот Гоце Делчев, како дел од проектот за изградба и реконструкција на булеварот АСНОМ (фазна реализација).
