Рафаел Надал направи неверојатен камбек од два сета негатива за 2:6/6:7(5)/6:4/6:4/7:5 победа над Данил Медведев во финалето на Австралија опен, за да стане првиот човек во историјата со 21. гренд слем титула во кариерата, поминувајќи ги старите ривали Роџер Федерер и Новак Ѓоковиќ.
Федерер уште се опоравува од операцијата на коленото и не беше присутен во Мелбурн, додека светскиот број 1 Ѓоковиќ имаше крајно непријатно искуство во Австралија, која двапати му ја одбиваше визата поради тоа што не е вакциниран, за на крајот да го депортира.
Без него, Надал беше фаворит за титулата, но во финалето налета на Медведев, Русинот кој минатата есен успеа да го стопира Ѓоковиќ да стигне до 21. гренд слем титула и до календарскиот гренд слем, победувајќи го во финалето на САД опен во Њујорк. Стартот целосно му припадна на Русинот, кој доминантно го освои првиот сет со 6:2, по што се врати од брејк негатива во вториот за да го добие во тај-брејк со 7:5.
Меѓутоа, шпанскиот „бик“ не се предаде и фуриозно ги освои следните два сета, за во израмнувачкиот да дојде до ран брејк, пред Русинот да израмни на 5:5. Меѓутоа, веќе во следниот гем, Надал направи брејк, а конечно да ја комплетира импресивната победа со 7:5 по 5 часа и 24 минути игра.
Another chapter is written ?@RafaelNadal defeats Daniil Medvedev 2-6 6-7(5) 6-4 6-4 7-5 to win his second #AusOpen title in an epic lasting five hours and 24 minutes.
⁰
?: @wwos • @espn • @eurosport • @wowowtennis #AO2022 pic.twitter.com/OlMvhlGe6r— #AusOpen (@AustralianOpen) January 30, 2022
> Надал со епски камбек до гренд слем број 21, подобар од Ѓоковиќ и Федерер! <
