Седум лица се хоспитализирани и се во критична состојба откако биле отруени со јаглерод моноксид во хотел во градот Мерисвил, во американската сојузна држава Охајо, соопштија локалните власти.
Вкупно девет лица се пренесени во болница, а шефот на спасувачката служба на Мерисвил, Џеј Рајли за локалните весници изјавил дека изворот на јаглерод моноксид не е познат, но познато е дека сите хоспитализирани биле во делот на хотелот каде се наоѓа базенот.
Тој рекол дека меѓу затруените има и деца и возрасни.
Набрзо по инцидентот хотелот бил евакуиран, а покрај лицата кои биле хоспитализирани, помош на лице место добиле две лица, додека потоа помош побарале уште пет, па последиците од труењето ги почувствувале вкупно 16 лица.
Градот Мерисвил се наоѓа на 50 километри северно од Колумбос.
