Забраната на руските банки да користат долари повеќе ќе и нанесе удар на Америка отколку на Русија, бидејќи големите светски сили, пред се Кина, би се откажале од таа валута, изјави Владимир Џабаров, прв заменик-претседател на Комитетот за меѓународни односи на Русија.
– Забраната за употреба на долари би била страшна, особено за самиот Вашингтон. Сите светски сили ќе почнат да размислуваат дали им е профитабилно да инвестираат во таа валута доколку нивните банки во секој момент можат да ја изгубат можноста да работат со неа. А тоа пред се ќе биде Кина – ги коментираше Џабаров новите американски закани за антируски санкции.
Американската економија е во таква состојба што не може да си дозволи такви антируски санкции, смета рускиот сенатор.
Коментирајќи го предупредувањето на американскиот претседател Џозеф Бајден дека „САД подготвуваат санкции против Русија какви што Владимир Путин никогаш не ги видел“, Џабаров рече дека „очигледно е дека такви изјави за Бајден подготвуваат политичари, но не и економисти“.
