Професионалните спортисти, ќе мора да бидат вакцинирани против коронавирусот, доколку сакаат да учествуваат на спортските натпревари во Франција. Ова се однесува и на вториот гренд-слем во сезоната, Ролан Гарос, кој во Париз ќе започне на 22.мај.
Француските власти, експресно си ги погазија зборовите откако пред два дена, најавија дека ќе им биде овозможено и на невакцинираните да се натпреваруваат на Ролан Гарос. Ова го изјави министерката за спорт, Роксана Марачинеану, а се по повод случувањата во Австралија и депортацијата на Новак Ѓоковиќ.
„Законот за вакцинација е усвоен и наскоро ќе започне да се спроведува. Ова значи дека задолжителна ќе биде потврда за вакцинација за влез во сите јавни установи (стадиони, кино сали, спортски објекти…). Тоа ќе важи и за учесниците и за гледачите, за Французите и за странците“, напишала министерката на „Твитер“.
По оваа одлука на француските власти, јасно е дека на Новак Ѓоковиќ му се „врзани рацете“ во обидот да стане рекордер според бројот на освоени гренд-слем трофеи. Од претходно тој знаеше дека без потврда за вакцинација нема да може да игра на третиот и четвртиот гренд-слем, Вимблдон и Ју-ес опен.
Le pass vaccinal a été adopté. Dès que la loi sera promulguée, il deviendra obligatoire pour entrer dans les ERP déjà soumis au pass sanitaire (stade, théâtre ou salon) pour l’ensemble des spectateurs, des pratiquants, des professionnels français ou étrangers 1/2
— Roxana Maracineanu (@RoxaMaracineanu) January 16, 2022
> Само вакцинираните ќе можат да настапат на Ролан Гарос <
