Лицето задолжено за оружје што се користеше во текот на снимањето на Rust покрена тужба против добавувачот на реквизити, тврдејќи дека неговата компанија на сетот дистрибуирала „мешавина од лажна и боева муниција“.
Снимателката Халина Хачинс беше смртно застрелана минатата година кога Алек Болдвин испука пиштол за време на проба, откако му било кажано дека оружјето е безбедно.
А сега, оружарката Хана Гутиерез-Рид бара неодредена отштета од Сет Кени и PDQ Arm and Prop LLC.
Кени сè уште не ја коментарал веста за тужбата. Но, во декември, тој изјави за „Добро утро, Америка“: „Не е можно вистински куршуми да дојдат од PDQ или од мене лично“.
Актерот и еден од продуцентите на вестернот, Болдвин, беше дециден дека не го повлекол орозот. Во интервју за „Еј-би-си њус“ во декември тој рече: „Никогаш не би вперил пиштол кон никого и не би го повлекол орозот, никогаш“.