Повеќе од половина од населението во Европа се очекува да биде заразено со омикрон сојот на коронавирус во следните шест до осум недели, изјави денеска директорот на Светската здравствена организација за Европа, Ханс Клуге.
„Во Европа, во првата недела од 2022 година се регистрирани повеќе од седум милиони новопријавени случаи на Ковид-19, што е повеќе од двојно во период од две недели“, рече Клуге на прес-конференција.
„Со ова темпо, Институтот за здравствена статистика и евалуација предвидува дека повеќе од 50 отсто од населението во регионот ќе биде заразено со омикрон во следните шест до осум недели“ предупреди Клуге, а пренесе агенцијата „Ројтерс“.
