Брачен пар од Аризона е уапсен откако го оставиле својот 11-годишен син сам две недели, соопштија властите.
Полицијата го уапсила парот минатата недела откако се вратиле во нивниот дом. Мајката ја напуштила земјата пред Денот на благодарноста, а таткото си заминал неколку дена по празникот, пренесува АП.
Полицијата го посетила домот на 12 декември по пријава дека момчето можеби останало само во станот.
Бидејќи полицајците не можеле да ги најдат родителите, момчето го сместиле во згрижувачко семејство. Момчето на властите им кажало дека има замрзната храна во замрзнувачот и дека не одел на училиште најмалку две недели.
Родителите, мајката (34) и таткото (40) се уапсени и обвинети за запуштање на детето.
