Редок примерок на леопард – персиски пантер – е фатен во планинскиот дел на северен Ирак, но едната шепа мораше да биде ампутирана поради повредата, објави денеска агенцијата Франс пресс.
Персискиот пантер е подвид на леопард кој се наоѓа во областа која опфаќа дел од Кавказ, особено Иран и Авганистан.
Меѓународната унија за зачувување на природата го смета за загрозен вид и има само околу 1.000 од нив во светот.
Ветеринар од зоолошката градина во Дохук изјави дека задната нога на животното, старо околу пет години и тешко од 90 до 100 килограми, е ампутирана.
Локалните власти претходно соопштија дека мештаните во планинската област пријавиле исчезнување на околу 20 овци, а потоа сфатиле дека биле нападнати од леопард.
Животното ја повредило шепата откако паднало во стапица што ја поставиле мештаните.
Леопардот ќе остане под наша контрола уште долго. А ако не биде пуштен ќе живее во зоолошка градина“, изјавил ветеринарот.
