Излезе третиот трејлер за „Бетмен“.
Долгоочекуваниот филм со Роберт Патинсон како човек-лилјак и Зои Кравиц како жена-мачка го прикажува Бетмен како се обидува да го победи The Riddler, кого го глуми Пол Дано.
Новиот трејлер се фокусира на растечката врска помеѓу Бетмен и Жената-мачка. Тизерот излезе во понеделникот на официјалниот јутјуб-канал на „Ворнер Брос пикчрс“, и е прегледан повеќе од шест милиони пати за само 24 часа.
Две години следење по улиците, внесување страв во срцата на криминалците, го одведоа Брус Вејн длабоко во сенките на Готам Сити“, се наведува во официјалниот синопсис на филмот.
Режисер на филмот е Мет Ривс, кој го напиша и сценариото заедно со Питер Крег.
„Бетмен“ излегува на 4 март 2022 година, исклучиво во кината.
