Околу 5.000 мртви кранови се пронајдени во Езерото Хула во северниот дел на Израел, поради епидемијата на птичји грип.
Израелските власти продолжија да ги хранат птиците по избувнувањето на вирусот Х5Н1 на езерото и на фармите во Мошав Маргалиот во близина на либанската граница, со цел да се обидат да спречат крановите да летаат на други места и да го шират вирусот, објави Тајмс оф Израел.
Министерството за земјоделство соопшти дека земјоделците во тој крај доцнеле со пријавување на епидемијата на вирусот навреме, овозможувајќи таа „да се шири како шумски пожар“.
