Три задолжителни ПЦР-теста за новинарите што присуствуваа на вчерашната годишна прес-конференција на рускиот претседател Владимир Путин не беа доволни за оние што се грижат за здравствената безбедност, па затоа биле преземени дополнителни мерки на претпазливост, пишуваат медиумите.
Според информации на известувачите од светските медиуми, репортерите биле прскани со сребрени честички. Новинарите морало да носат маска и да ја менуваат на секои два часа, сунѓерите за микрофон биле користени само еднаш, а потоа му биле давани на новинарот за спомен.
Столовите на кои седеле новинарите биле цврсто прицврстени на подот за никој да не го намали растојанието. Според медиумите во регионот, Путин бил оддалечен 80 метри од новинарите во најдалечните редови.
Прес-конференцијата на Путин траеше помалку од четири часа и за тоа време тој одговори на 55 прашања.
