Русија и Кина заеднички развиваат високотехнолошки оружја додека остваруваат соработка во областа на безбедноста, изјави денеска рускиот претседател Владимир Путин на традиционалната годишна прес-конференција.
„ Со Кина соработуваме на полето на безбедноста. Вооружените сили на Кина се опремени со најнапредни системи за оружје“, рече Путин, а пренесува руската агенција ТАС С.
„ Дури и заедно развиваме одредени видови високотехнолошки оружја. Соработуваме во сферата на вселената и производството на авиони и хеликоптери“, рече рускиот претседател.
Путин ги пофали руско-кинеските стратешки врски како фактор на стабилизација на глобалната сцена.
„ Ова е целосно сеопфатно стратешко партнерство, кое е без преседан во историјата, барем меѓу Русија и Кина. Секојдневната активна работа е поволна и за Кинезите и за Русите и останува сериозен стабилизирачки фактор на меѓународната сцена“, заклучи Путин.
