Сојот омикрон сега е доминантен во САД и претставува повеќе од 73% од новите случаи на зараза со Ковид-19, соопшти во понеделникот американскиот Центар за контрола и превенција на болести (ЦДЦ).
Поминаа само дваесет дена откако САД го забележаа првиот случај наомикрон. Но, во неделата до 18 декември, омикрон сочинуваше 73,2% од случаите, а делта со 26,6%.
Експертот за заразни болести Ентони Фаучи во неделата за Си-Ен-Ен изјави дека омикронот наскоро ќе го „преземе“ теренот поради неговата многу заразна природа. Светската здравствена организација (СЗО) наведува дека случаите на омикрон се удвојуваат на секои 1,5 до 3 дена.
Во понеделникот во Соединетите држави беше потврден првиот смртен случај по зараза со омикрон. Станува збор за маж на возраст од 50 години кој не бил вакциниран, имал здравствени проблеми и претходно бил заразен со Ковид.
Научниците сè уште не знаат точно колку е сериозна оваа варијанта во споредба со другите видови. Но, сметаат дека постои реална опасност од оптоварување на здравствениот систем.
