Димитар Ковачевски, пиунот на Заев не може да биде иднината на Македонија. Тој може да биде само верен послушник и ништо повеќе, велат од ВМРО-ДПМНЕ за новиот лидер на СДСМ, кој се очекува да го замени Заев и на премиерската функција.
„Ковачевски цело време молчеше додека заевизмот ја туркаше Македонија во кризи, па и самиот беше учесник во лошите политики на власта и затоа сега тој не може да се нуди како решение“, посочуваат од партијата во однос на неговата работа како заменик-министер за финансии.
Од ВМРО-ДПМНЕ повторно обвинуваат дека Ковачевски се обидувал да се прикаже како хардварски студент, а всушност, како што велат, тој само посетувал неколкудневен скапо платен курс.
„Постои и основан сомнеж како ја стекнал неговата докторска титула, имајќи предвид дека докторатот го одбранил во Црна Гора во време кога неговиот татко е амбасадор во таа земја, а тој во исто време е носител на висока позиција во македонски Телеком. За докторски студии потребно е докторантот да престојува во земјата каде се наоѓа Универзитетот, да врши истражувања и друг вид активности“, стои во партиската реакција, во коа се додава дека Ковачевски не може да биде иднината на Македонија бидејќи е верен послушник на Заев.
