Пожарот на товарниот брод кој превезувал дрва во близина на Гетеборг на западниот брег на Шведска и по повеќе од 24 часа се уште не е под контрола, соопштија денеска властите.
Шведската агенција за вонредни ситуации (MSB) соопшти дека испратила два хеликоптери, а неколку други организации, вклучувајќи ја и крајбрежната стража, исто така се борат со пожарот, пренесе Ројтерс.
Дрвата што го превезувале бродот вчера се запалиле, додека самиот брод не гори, но пожарот тешко се гаси, се вели во соопштението од МСБ.
Бродот содржи големи количества гориво и МСБ започна со подготовки за да може да обезбеди поддршка во случај на потенцијално истекување гориво, се вели во соопштението.
Екипажот од 17 лица не бил евакуиран од бродот, јави агенцијата ТТ.
Портпаролот на крајбрежната стража изјавил дека пожарот не е под контрола, но дека не се шири и дека работата на неговото гаснење може да потрае неколку дена.
