Конгресот во СДСМ е фарса се знае дека пиунот на Заев, Димитар Ковачевски, е човекот на олигархијата кој ќе го наследи Заев, велат од ВМРО-ДПМНЕ.
Од таму посочуваат дека Димитар Ковачевски е син на Слободан Ковачевски, градоначалник на Куманово во, како што велат, времето на транзицијата.
„Таткото на Ковачевски бил и амбасадор на Македонија во Црна Гора исто така поставен од СДСМ. Ковачевски е човек на олигархијата, на едно мрачно време кое остави стотици илјади на улица и без пари. Ковачевски не е нов лик, тој е стар производ спакуван во ново пакување“, се наведува во партиската реакција.
Според ВМРО-ДПМНЕ, новиот лидер на СДСМ ќе има за задача да го штити заевизмот и како што се посочува, фирмите на Вице и Трајче.
