Слика на англискиот уметник Л.С. Лори би можела да достигне цена од повеќе од 1,2 милиони фунти на аукција.
Уметничкото дело, насловено како „Аукција“, е меѓу низата слики од модерната британска и ирска уметност што овој месец ќе се продаваат во „Сотби“.
Таа прикажува раздвижена толпа луѓе собрани на аукција.
„Делото ја доловува вревата на аукцијата на начин на кој можеше само Лори,со неговата карактеристична иконографија,“ ијави Френсис Кристи, заменик-директорот на „Сотби“ во Обединето Кралство.
Уметничкото дело се проценува дека ќе се продаде помеѓу 1,2 и 1,8 милиони фунти, додека второто дело на Лори, кој пораснал и живеел околу Манчестер и Салфорд, а прикажува воденица, е со почетна цена од 300,000 фунти.
