Утрински Весник
Свет

Објавен идентитетот на напаѓачот од Ливерпул

Објавен идентитетот на напаѓачот од Ливерпул

Полицијата го именува човекот што загина во експлозијата пред болницата во Ливерпул и изјави дека се работи за 32-годишниот Емад ал-Свелмин, пишува Би-би-си.

Претходно, властите ја квалификуваа вчерашната експлозија во такси како терористички напад.

Во експлозијата загина патникот во таксито што носел импровизирана експлозивна направа. Повреден е и таксистот, кој е прогласен за херој бидејќи успеал да го заклучи патникот во возилото.

Таксистот Дејвид Пери успеал да побегне пред експлозијата, а властите нагласија дека во крајно напнатата и опасна ситуација тој постапил со неверојатна храброст.

Пери е пуштен од болница и сега закрепнува дома, пишува „Скај њуз“.

Полицијата во врска со инцидентот уапсила уште четворица мажи на возраст од 29, 26, 21 и 20 години.

Можете да прочитате

Трамп, Путин и Шjи Џинпинг се ракуваа во Кина, утре историска средба

Две лица повредени во земјотрес во Романија, најсилен од 2018 година

Европа стравува дека Трамп би можел да постигне договор со Путин без Украина