Петре Шилегов од реномираната награда „13 Ноември“ си направил партиска тезга. Наместо за заслужни скопјани или луѓе кои допринеле за Скопје и државата, тој во заминување потрча да им даде парична награда на Венко Филипче, кому му умреа над 7.000 луѓе од Ковид, и на Денко Малески за кого Македонците и Бугарите се ист народ, реагираат од опозициската ВМРО-ДПМНЕ.
И додека Филипче добива награда од Шилегов, потенцираат во соопштението од партијата на Мицкоски, во Чаир почина 26 годишна родилка при породување, додека во Битола 18 годишна девојка а притоа не се познати детално причините.
„Пред само некој месец на истиот тој Филипче, живи му изгореа 14 луѓе“, дополнуваат од ВМРО-ДПМНЕ.
Додаваат дека ВМРО-ДПМНЕ нема да дозволи комисијата за 13 ноемвриската награда да биде исполнета со партиски послушници на СДСМ, кои ќе ги девалвираат наградите кои имаа суштинско значење за градот.
