Оливија Родриго ја предводи листата со номинациите за Американските музички награди (American Music Awards 2021), каде ќе се натпреварува за главниот трофеј против фаворитите како Тејлор Свифт, „БТС“ и Дрејк.
18-годишната Родриго, која се најде на врвот на топ листите во јануари, доби седум номинации, вклучително и уметник на годината, најдобар нов изведувач и омилена поп песна за нејзиниот деби-сингл Drivers License.
Зад неа се канадскиот аренби пејач Д Викенд со шест, додека Доџа Кет, регетон-ѕвездата Бед Бани и првпат номинираниот аренби пејач Гивон добија по пет номинации.
Били Ајлиш е забележително отсутна од листата номинации и покрај тоа што го објави својот втор албум во јули. Канје Вест, чиј албум „Донда“ имаше најголема продажба во првата недела, доби само едно номинација.
Родриго, Д Викенд, К-поп бендот „БТС“, раперот Дрејк и Аријана Гранде ќе се соочат за изведувач на годината против Свифт, која минатата година ја освои титулата по рекорден шести пат.
American Music Award (AMA) е една од големите американски награди под покровителство на Американското друштво на композитори, автори и издавачи.
