Две малолетни деца се повредени по сообраќајка во Битола што се случи помеѓу автомобил и мопед. Едното од децата го возело мопедот, а второто било сопатник, информираат од полицијата.
„На 24.10.2021 во 19.45 часот во СВР Битола било пријавено дека на крстосница од улицата „Широка“ и „Смилево“ во Битола се случила сообраќајна несреќа помеѓу патничко возило „фолксваген поло“ со скопски регистарски ознаки, управувано од Т.Р.(42) од Битола и мопед без регистарски ознаки, управуван од малолетник од Битола. Во несреќата со тешки телесни повреди се здобил мотоциклистот, а малолетниот сопатник на мопедот се здобил со телесни повреди, констатирани во Клиничка болница Битола“, соопшти МВР.
Увид извршила екипа на СВР Битола.
