Актерката Дебра Месинг се извини за твитот во кој навидум го критикува именувањето на реалити-ѕвездата Ким Кардашијан за водител на саботното шоу „Сатрдеј најт лајф“.
Додека многу корисници на Твитер ја обвинија Месинг (53) дека ја тролува 40-годишната инфлуенсерка прашувајќи зошто е избрана за водителка на популарното шоу, таа појасни дека немала таква намера.
За време на гостувањето кај Тамрон Хол, актерката објасни дека никогаш не ѝ било цел да ја трола мајката на четири деца, пред да се извини на секој што погрешно ја разбрал.
„Никогаш не сум имала таква намера. Таа е феномен. Мислам, знаете, таа е културна икона “, објасни Месинг.
Како фан на долгогодишното саботно шоу на Ен-би-си, актерката од „Вил и Грејс“ истакна дека пораснала со „Сатрдеј најт лајф“.
