Меган Фокс и Брајан Остин Грин речиси година и пол по започнувањето на бракоразводната парница, конечно постигнаа спогодба за прекин на бракот.
Поранешните сопружници беа во брак речиси 10 години пред да објават дека се разведуваат во мај 2020 година. Како главна причина наведоа непремостливи пречки и побараа заедничко старателство над синовите.
Сега им треба само потпис од судијата. Поранешните сопружници поднесоа правни документи во кои се наведени условите на спогодбата и заедничкото правно и физичко старателство над нивните три момчиња.
Блиски извори за „ТМЗ“ велат дека немало предбрачен договор, а во Калифорнија тоа значи дека сè што стекнале во текот на нивниот 10-годишен брак треба да се подели на половина.
